هذا الحساب لقريبتي ويشهد الله لو عندي إخ زوجتها .. انا مو خطابة - للإدارة - لكني أرغب بتزويج هذه الفتاة وسمعت عن صدق موقعكم فسجلت فيه . فتاة مطيعة ، قنوعه ، هادية ، مرحة ، ورومانسسسية جداً وحكيمة ماشاء الله عليها .. ربت إخوانها الصغار - لمرض والدتها - رغم صغر سنها .. وتخلت عن الزواج حتى كبرتهم والكل يشهد بأدبهم .. وزوجت إخوانها الكبار وهم الأن مستقرين ببيوتهم .. مدبرة منزل درجة أولى وطباخة ماهرة ماشاء الله .. مثقفة و يستمتع الشخص وهو يسولف معها .. تعطي أمل بالحياة وغير مملة ، دايم تبتسم وتحب الضحك ومالها بالنكد أبد بالعكس توسع الصدر دايم .. أنيقة وجمييييلة وجذابة تهتم بالنظافة وبلبسها وبجسمها ، شغوفة بالتعليم والدراسة وإن أخرتها قليلا للسبب المذكور أعلاه ( تدرس الان دبلوم برمجة حاسب ألي ) .. ويشهد الله كثير من خطبها ما شاء الله بس هي كانت ترفض والحين أنا بدور لها إبن الحلال من غير هي ما تعرف ولا أهلها - للأبد ما أبيهم يعرفون - لكني ساعية بالخير لأنها تستاهل هالأجودية .. واللي بيعاشرها بعدين ماراح يندم أبد ( أضع هالشيء بذمتي ) لأني مثل ما قلت لو عندي إخو والله ما أفرط فيها . *ملاحظة : بتاريخ : 15 - 2 - 1435 هـ بسكر الحساب إن شاء الله . بالتوفيق للجميع .
مواصفات فارس أحلامي
على قدر من المسؤولية ويقدر الحياة الزوجية .. رجل بمعنى الكلمة ( لا ترغب بمعدد ولا بمطلق ) ، حنون ، رومانسي جدا وعطوف ، غير عصبي أبدا بل يأخذ الأمور بروية ، ما يحب المشاكل ، صاحب أخلاق ودين ، يصلي فروضه بالمسجد وغير مدخن ، يخاف الله فيها ويرعاها ويشجعها تكمل تعليمها وطموحها .. يكون بار بوالديه ويحب أهله أكثر من نفسه ( هذا شرط من شروطها ) لأن اللي ما فيه خير لأهله مافيه خير للناس . يفضل مبتعث أو يفكر بالإبتعاث لأن لها رغبة بإكمال دراستها بالخارج . والله وحده ولي التوفيق .